今日因為要搵一樣東西，所以將一直都無乜點郁過0既櫃呀，窗臺等執一次，毅然發覺很多平時都無乜留意0既0野係呢兩撻平常都唔多郁0既地方，好似隔離幅圖，只係其中一格櫃0既情況。0係佢地身後重有一棟，上次去書展買0個棟都重未搵度地方喬遷入去，公司又有一咋，呀～～～一直都諗係咪應該要買個新書櫃去一次過執返哂D書入去，但又怕買完唔夠裝，諗到頭都大埋。
跟住PAN下一格喇，就到CD喇，CD0既情況都書都唔差得好多，除左呢度外一堆CD係書枱下，一堆0係廳櫃，數量唔知算唔算多，比起Thomas同多記可能小巫見大巫而已。其實而家好少買百幾二百蚊0既CD，呢度所見大把份都係上海Friend幫我0係上面買，好鬼平，Single賣10至40左右，Album最貴唔過100。咁鬼平所以而家連上網買都廢事，雖然佢度遲大概兩到三個月，咪聽住MP3先囉！
沒有留言:
發佈留言